Ալբերտ Զ. Կապիկյանը հայազգի վիրուսաբան էր, ով օգնել է աշխարհի բնակչությանը, հատկապես երեխաների աղեստամոքսային հիվանդությունների  հարցում կարևոր առաջընթաց գրանցել:

Ալբերտ  Կապիկյանը ծնվել է 1930 թվականի մայիսի 9 -ին Բրոնքսում ՝ հայ ներգաղթյալների ընտանիքում: Ըստ նրա կնոջ՝ նա ճանապարհորդել է աշխարհով մեկ՝ իր բժշկական աշխատանքի համար:

Դոկտոր Կապիկյանը Ալերգիայի և վարակիչ հիվանդությունների ազգային ինստիտուտի ականավոր գիտաշխատող էր, ով Առողջապահության ազգային ինստիտուտում ավելի քան չորս տասնամյակ աշխատել է որպես վարակիչ հիվանդությունների լաբորատորիայի համաճարակաբանության ղեկավար:

1972 թվականին դոկտոր Կապիկյանն օգտագործեց առաջադեմ էլեկտրոնային մանրադիտակի տեխնոլոգիա՝ բացահայտելու Norwalk վիրուսը:Այն  «Լայն տարածված է  և խիստ վարակիչ, հատկապես վտանգավոր է մարդաշատ վայրերում, ինչպիսիք են մանկապարտեզները, քոլեջի հանրակացարանները, ռազմական բազաները և զբոսաշրջային նավերը»:

Դոկտոր Կապիկյանը , թերևս, առավել հայտնի էր ռոտավիրուսին վերաբերող իր հետազոտություններով:«Սա շատ հավասարազոր վիրուս է,- մի առիթով ասել է բժիշկ Կապիկյանը,-  Դա հավասարապես վարակում է երեխաներին ինչպես զարգացած, այնպես էլ զարգացող երկրներում: Սանիտարական պայմանները նշանակություն չունեն »:

• 

Դոկտոր Կապիկյանը ղեկավարել է հետազոտողների խումբը, որը ստեղծել և արտոնագրել է ԱՄՆ ռոտավիրուսային առաջին պատվաստանյութը: Պատվաստանյութ ստեղծելու համար բժիշկ Կապիկյանը կապիկի ռոտավիրուսը համատեղել է մարդու ռոտավիրուսի մի քանի շտամների տարրերի հետ։

«Ալ Կապիկյանը վիրուսաբանության հսկա էր», — ասում է NIAID-ի տնօրեն Էնթոնի Ս. Ֆաուչին բժիշկ Կապիկյանի մահից հետո հրապարակված հայտարարության մեջ: «Վիրուսային հետազոտության և պատվաստանյութերի մշակման ոլորտում նրա հիմնարար ներդրումը բազային և կլինիկական հետազոտություններում հսկայական ազդեցություն է ունեցել ամբողջ աշխարհի վրա»:

Դոկտոր Կապիկյանը  մահացել է 2014 թվականի փետրվարի 24-ին՝ 83 տարեկան հասակում