Այս հայուհին աշխարհի առաջատար մասնագետներից մեկն է․ գիտե՞ք, թե որ ոլորտում է նա փայլում

Խոսքը հայկական ծագմամբ ամերիկացի բժիշկ, բժշկության դոկտոր, մանկական նյարդաբան Լուսի Բալյան Ռորք Ադամսի մասին է։

Dr. Lucy Rorke-Adams Reflects on 50 Years as Pioneering Neuropathologist |  Children's Hospital of Philadelphia

2015 թվականից Նոուլսի հոգաբարձուների խորհրդի անդամ է, 50 տարի Պենսիլվանիայի համալսարանի բժշկական դպրոցի Պերելմանի պաթոլոգիայի և լաբորատոր բժշկության կլինիկական պրոֆեսոր է։ Լուսի Բալյան Ռորք Ադամսը կենտրոնական նյարդային համակարգի ուռուցքների աշխարհի առաջատար մասնագետներից մեկն է։

Լյուսի Բալյանի հայրը լքել է Կեսարիան 1913 թվականին  և 1920 թվականից հաստատվել Միացյալ նահանգների Մինեապոլիս քաղաքում։ 1921 թվականին Ստամբուլից ապագա ամուսնու նկարը տեսնելով, երկու քրոջ և եղբոր հետ Մինեապոլիս է տեղափոխվել եղեռնից մազապուրծ Լուսիի մայրը, և այնտեղ էլ ամուսնացել են։ Լուսի Բալայանը ծնվել է 1929 թվականին Մինեսոտա նահանգի Սեյնթ Փոլ քաղաքում, եղել է հինգ քույրերից ամենափոքրը։ Զբաղվել է արվեստով, երազել է օպերայի երգչուհի դառնալ, սովորել է Ազատ արվեստի քոլեջում ստացել է արվեստի բակալավրի աստիճան (1951) և արվեստի մագիստրոսի կոչում (1952)․ապա Մինեսոտայի համալսարանի բժշկական դպրոցում հոգեբանության գծով բժշկության գիտությունների բակալավր (1955) և բժշկության դոկտոր Դոկտոր Ռորկ-Ադամսը կլինիկական հոգեբանության ոլորտում իր կարիերան սկսել է Մինեսոտայի համալսարանի բժշկական դպրոցն ավարտելուց և Ֆիլադելֆիայի ընդհանուր հիվանդանոցում անատոմիական և նյարդաբանական հիվանդությունների կլինիկական օրդինատուրայի ավարտից հետո։ Նա նախընտրել է կենտրոնանալ մանկական նյարդաբանության վրա, որը երկար ժամանակ անտեսված է եղել։

2015 թվականին Լուսի Բալյան Ռորք Ադամսը 2 մլն դոլլար է նվիրաբերել Սբ․ Ներսես ընծայարանին։ Նա որոշել է այդ գումարով իր աստվածապաշտ ծնողների հիշատակին և պատվին աստվածաբանության ամբիոն հիմնել Սբ․ Ներսես ընծայարանում, ինչը կխթանի ապագա քահանաների կրթությունը։ Նրա հիմնած «Պլանավորված նվիրատվություն» միությունը նպատակ ունի ուրիշներին ևս իրենց կամքով հիշել սեմինարիան։