ՀԱՅԱՍՏԱՆԻ ամենաբարձր ու հրաշագեղ գագաթները, որոնք արժե գրավել
- Աժդահակ լեռ (3597,3 մ)
Աժդահակը գտնվում է Գեղամա լեռնաշղթայի կենտրոնական հատվածում՝ Հայաստանի Կոտայէ և Գեղարքունիքի մարզերի սահմանագլխին:
Գագաթին կից՝ հյուսիսարևմտյան կողմում կա խառնարան՝ լցված ջրով։ Գոյացել է վերին անթրոպոգենում՝ հրաբխային արտավիժումների և լավային արտահոսքի հետևանքով։
Աժդահակ անվանումը հայոց բանահյուսության մեջ հայտնի է որպես մարաց թագավորի և վիշապի անուն:
Տարվա մեծ մասը ձնածածկ է։ Լանջերը լերկ են։
Գեղամա լեռների լանջերին կան բազմաթիվ ժայռապատկերներ և վիշապաքարեր, որոնք վկայում են մշակութային հարուստ անցյալի մասին:
- Արիության լեռ
Արիության կամ Գոմշասար լեռնագագաթը գտնվում է Մռավի լեռների արևելյան մասում։ Բարձրությունը 3724 մետր է։ Կազմված է հրաբխածին ապարներից, կատարային մասը ժայռոտ է, լավ է արտահայտված վերընթաց լանդշաֆտային գոտիականությունը՝ լեռնատափաստաններից մինչև ձնամերձ գոտի։
Լեռը հայտնի է նաև Արության, Արությունա սար և Գյամիշ անուններով: Ըստ ավանդազրույցի, Արություն անունով մի ճգնավոր ձմեռները բնակվելիս է եղել այս լեռան կատարին` իրեն անտանելի սառնամանիքների մեջ նեղելու համար: Դրա համար էլ սարը կոչվել է Արությունա սար: