ՏԵՍԱՆՅՈՒԹ. Հայ, ում պատվին անձամբ Ստալինն է կենաց խմել. ճանաչենք մեր հերոսներին

Տեսանյութը դիտեք վերջում:

1945 թվականի հունիսի 24-ին Մոսկվայում Հաղթանակի շքերթ անցկացվեց։ Իսկ հետո Կրեմլում կազմակերպվեց հանդիսավոր ընդունելություն ողջ խորհրդային քաղաքական և ռազմական բարձրագույն ղեկավարության համար։ Բնականաբար, ներկա էր նաև ծովակալ Իսակովը։

Եվ ահա թե ինչ է հիշում գեներալ Պավել Սուդոպլատովը։ Մարշալները, գեներալները և ծովակալները բաժակ էին բարձրացնում Հաղթանակի և, իհարկե, Ստալինի  համար։ Իսակովը նույնպես որոշեց ելույթ ունենալ, բայց մեկ ոտքով դժվար էր դուրս գալ սեղանի մոտից և առաջ անցնել։ Ստալինը նկատեց դա, անձամբ մոտեցավ Իսակովին և ամբողջ դահլիճին առաջարկեց խմել ծովային հրամանատարի առողջության կենացը։

Գերագույն գլխավոր հրամանատարը ծովակալ Իսակովին մեծ հարգանքով էր վերաբերվում։ Շուտով Ստալինը հրավիրեց Իսակովին Կրեմլ և հայտարարեց, որ նրան կրկին գլխավոր ծովային շտաբի պետ է նշանակելու։ Ծովակալը պատասխանեց, որ առանց ոտքի դժվար կլինի նավեր այցելել։ «Թող այդ պաշտոնին առանց ոտքի, բայց նման գլուխ ունեցող մարդ լինի», — պատասխանեց Ստալինն, ու հարցը փակվեց։