Եվս մեկ հպարտության առիթ. Ադելիա Պետրոսյանը գեղասահքի նոր ռեկորդ է սահմանել

Ռուսաստանաբնակ գեղասահորդ Ադելիա Պետրոսյանը կանանց մենասահքի պատմության մեջ առաջին անգամ քառակի ռիտբերգեր է կատարել պաշտոնական մրցումներում։

Ռիտբերգերը գերմանացի մարզիկ Ռիտբերգերի անունը կրող մարզավարժություն է, երբ մարզիկը hետսահքի ժամանակ կատարում է պտուտակաձև ցատկ աջ ոտքի վրա, դեպի ձախ ուղղությամբ՝ ձաձ ոտքը ծնկում ծալած վիճակով և այնուհետև օդում կատարելով մեկ, երկու կամ երեք պտույտներ վայրէջք է կատարում աջ ոտքի վրա:

Գեղասահքի այդ տարրը նա ցուցադրել է Ռուսաստանի գավաթի համար մրցումների ազատ ծրագրում, գրում է ՌԲԿ-ն։

14-ամյա գեղասահորդուհին նաև բազմաթիվ այլ բարդ տարրեր է կատարել և 147․15 միավորով զբաղեցրել է 1-ին տեղը։

Երկու ելույթի հանրագումարում Պետրոսյանը 2-ն էր՝ 213․26 միավորով։

Ադելիա Պետրոսյանը մարզվում է հայտնի մարզիչ Էթերի Տուտբերիձեի խմբում։ Ընթացիկ շրջանում նա դարձել է պատանիների Գրան պրիի հաղթողը։