Շատ ու շատ հերոսական դրվագներ կան, հրամանատա՛ր, քո մարտական ուղուց, որոնց մասին միշտ լռել ես, որովհետև քո տեսակն ուրիշ էր` զուսպ ու խոնարհ:

Արցախյան հերոսամարտը հայոց պատմության ամենավառ ու փայլուն էջերից մեկն է: Մի զենքի ու գաղափարի շուրջ էին հավաքվել հերոսնե ու լեգենդներ, որ պատրաստ էին տալ անգամ իրենց կյանքը՝ հայրենիքի փրկության ու անկախության սուրբ նպատակի համար:

Հենց այս հեդվածում ուզում ենք պատմել Արզախյան պատերազմի ԼԵԳԵՆԴԻ մասին, ումից սարսափում ու փախչում էր թշնամական բանակը:

Սև Հովազ ջոկատը, լինելով 90-ականների ամենամարտունակ ջոկատը և թշնամու ահ ու սարսափը, միշտ օգնության էր հասնում այն դիրքին, ուր թշնամին փորձում էր անգամ մի թիզ առաջ գալ:

Այդ դիրքերից մեկում (Լաչին) հրամանատար Ռուստամ Գասպարյանը առավոտ կանուխ որոշում է մեքենայով մի փոքր շրջել և, մինչ մտքում նոր ռազմավարական պլաններ է մշակում, հարյուր մետր հեռավորության վրա նկատում է դեպի իրենց դիրքեր առաջացող թշնամու մի քանի հետևակի մարտական մեքենա, առջևից Ուրալ մեքենան` լի զինվորներով:Հրամանատարը մի պահ շփոթվում է, ապա ակնթարթորեն որոշում կայացնում՝ միանգամից արգելակում մեքենան, իջնում, ոտքով մեքենայի անիվին հարվածում՝ իբրև թե անսարքությունն է ստուգում, և իրեն հասնող թշնամուն ձեռքով շարժվելու նշան անում:

Աստծո նախախնամությամբ, թե ինչ հրաշքով թշնամին կարծում է՝ իրենց հետախույզներից է և առանց որևէ կասկածի շարունակում է առաջանալ:Ռուստամ Գասպարյանը, տեսնելով, որ թշնամին խայծը կուլ է տվել, նստում է մեքենան, շրջվում և շարժվում թշնամու ավտոշարասյան հետ:

Որոշ ժամանակ անց աննկատ առաջ է անցնում թշնամուն, հասնելով շրջադարձին՝ անմիջապես թեքվում և սուրում դեպի տղաները՝ տեղեկացնելու առաջացող թշնամու մասին. արդեն հեռվից լսվում են թշնամու ուշացած կրակոցները: Սև հովազի տղաները փառքով կատարում են իրենց առջև դրված խնդիրը` թշնամուն չթողնելով ոչ մի հնարավորություն առաջանալու :Սև հովազի ահ ու սարսափից եղել են դեպքեր, երբ թշնամին իմանալով հովազների տվյալ դիրքում լինելու մասին, վախից նահանջել է:Ցավոք, մեզ վիճակված չէր խաղաղ ապրել և այս չարաբաստիկ աշնանը սկսված պատերազմը մեզնից խլեց բոլորիս հերոսի կյանքը, բայց հրամանատարը հասցրեց փրկել տղաների, ովքեր մնացել էին առանց որևէ հրամանատարի անտառներում՝ խուճապի մատնված ու շրջափակման մեջ հայտնված: