Տարիներ առաջ, երբ Գերմանիայի Բունդեսթագի կողմից Հայոց ցեղասպանությունը ճանաչվեց, ցեղասպանագիտության ոլորտում մասնագիտացած թուրք պրոֆեսորը կոչ արեց իր ազգն ներողություն խնդրել հայերից։

Իր հարցազրույցներից մեկոււմ պրոֆեսոր Բասկին Օրանը, ով ուսումնասիրություններ է անցկացրել Օսմանյան կայսրությունում 1915 թվականին տեղի ունեցած ոճրագործությունների վերաբերյալ, դատապարտել է կառավարության քաղաքականությունը։ Նա մասնավորապես նշել է, որ իշխանությունները թաքցնում են իրական փաստերը։

Պրոֆեսորը նույնիսկ փոխհատուցման խնդիր է բարձրացրել։ «Քանի դեռ թուրքական պետությունը ջայլամի քաղաքականություն է վարում, միջազգային հանրության կողմից ճնշումները կավելանան»,- ասել է Օրանը։

Մեկնաբանելով «ցեղասպանություն» բառի օգտագործումը՝ որպես ողբերգական իրադարձությունների վերաբերյալ պատշաճ ձևակերպում, Օրանը նշել է․ «Թուրքիան պետք է շտապ հայտարարություն տարածի՝ կատարվածի համար ներողություն խնդրելու համար»։

Դե ինչ, գուցե դեռ կա՞ն մարդիկ այդ երկրում, ովքեր սթափ են մտածում։