Ու՞մ շնորհիվ են մեզ հասել Ցեղասպանության ապացույցները. ո՞վ է սարսափելի կոտորածների լուսանկարիչը
Արմին Թ. Վեգները գերմանացի զինվոր, բժիշկ և սիրողական մակարդակի լուսանկարիչ էր Առաջին համաշխարհային պատերազմի տարիներին։ Պատահաբար դառնալով Հայոց ցեղասպանության ականատեսը՝ Վեգները լուսանկարներ է արել, որոնք այժմ կազմում են «Ցեղասպանության ապացույց լուսանկարների հիմքը»։
Օսմանյան կայսրությունում ծառայելու ժամանակ Վեգները հարյուրավոր լուսանկարներ է արել և փորձել է համաշխարհային հանրությանը ծանոթացնել ողբերգական իրողության հետ։ Նա նաև դիմել է ԱՄՆ նախագահ Վուդրո Վիլսոնին՝ խնդրելով օգնել Օսմանյան կայսրության հայ բնակչությանը։ Պատերազմից հետո նա դարձավ հայտնի իրավապաշտպան և հրապարակախոս։ 1933 թվականից Վագները նացիստական Գերմանիայում պայքարում է հակասեմիտիզմի դեմ։
Գերմանիայում Վեգները նախաձեռնել է հայերի նկատմամբ Օսմանյան Թուրքիայի կառավարության գործողությունների համազգային դատապարտում, մշակել փաստաթղթեր, նամակներ է գրել և գրական ստեղծագործություններ ստեղծել Ցեղասպանության մասին:
Երբ սկսվեց հրեաների կոտորածը, Վեգները բաց նամակ գրեց՝ դատապարտելով Ադոլֆ Հիտլերին։ Նրան ուղարկել են համակենտրոնացման ճամբար, սակայն շուտով նա հրաշքով փախել է։
Տիգրան Խզմալյանի այս ֆիլմը (տարիքային սահմանափակումների համար հնարավոր չէ տեղադրել այստեղ. դիտելու համար նայեք այստեղ) հիմնված է Վեգների բացառիկ լուսանկարների և նամակների վրա, որոնք պատկերում են 20-րդ դարի առաջին ցեղասպանության ողբերգական ուրվագծերը։
Որպես վերջաբան, այս մարդու լուսանկարների կարևորությունը շեշտելու համար նշենք, որ նույնիսկ հիմա, երբ այսքան ապացույցներ ունենք, Թուրքիան շարունակում է ժխտել, պատկերացնենք, թե ինչ կլիներ, եթե Վեգները աշխարհին ցույց չտար այս սարսափելի տեսարանները:
Հորդորում ենք անտարբեր չլինել, չթերագնահատել թշնամուն, վերլուծել նրա յուրաքանչյուր քայլը, այլապես ոչ ՀԱՅ ժողովուրդ կմնա, ոչ էլ ՀԱՅԱՍՏԱՆ: