Նա  թարգմանիչ էր, արվեստաբան, պատմանկարիչ։ Նա գիտեր 10 լեզու։ Հոգևորականի ընտանիքում ծնված տղան դարձավ ժամանակի հայտնի նկարիչներից մեկը, ով ողջ աշխարհին ցույց տվեց ՀԱՅԵՐԻ հերոսական անցյալը:

Իր կտավներում նա աշխարհին ցույց է տվել հայ ժողովրդի հերոսական անցյալը, ներկան ու գալիքը, նրա ընդվզումն ու հույսը, տառապանքն ու հավատը, նրա անմահությունը։

Դժվար է կերպարվեստում գտնել մի ոլորտ, ուր Վարդգես Սուրենյանցը մուտք գործած չլինի։ Նա ոչ միայն խոշոր գեղանկարիչ, այլև գրքի տաղանդավոր ձևավորող, հայտնի թատերական նկարիչ, արվեստի հմուտ տեսաբան, թարգմանիչ, ճարտարապետ, քանդակագործ և հասարակական գործիչ է։ Նկարել է բնանկարներ և դիմանկաներ։ Սակայն նրա հաղթաթուղթը դարձավ «Սալոմե»-ն, որը ցնցեց ողջ Եվրոպան:

Սուրենյանցը, տարվելով Օսկար Ուայլդի «Սալոմե» դրամայով, թափանցում է Ուայլդի փիլիսոփայական խորքը և նկարում «Սալոմե» կտավը։ Սուրենյանցի «Սալոմեն» իր տիրական հմայքով ինքնատիպ համադրություն է:

Սուրենյանցը Սալոմեին պատկերել է կտավի ձախ կողմում՝ մուգ շագանակագույն դռան ֆոնի վրա՝ կտավի մյուս դատարկ մասում թողնելով կանաչավուն, կապտաերկնագույն երանգներով տարածություն: Այն առաձնահատուկ է իր գունային լուծումներով ու վրձնային խաղերով: