Արցախյան պատերազմի անմահ հերոսներից է լեյտենանտ Գարեգին Սարգսյանը, ով, իր կոչմանը եւ զինվորական համազգեստին հավատարիմ մնալով, մինչեւ վերջ պայքարել է հայրենիքի համար: Գարեգինը պատերազմի բոթը լսելուն պես, թեկուզեւ լինելով արձակուրդում առանց մեկ վայրկյան վարանելու մեկնել է առաջնագիծ, քանի որ գիտակցում էր, որ իր տեղն իր զինվորների կողքին է:

4 տեղից վիրավոր լինելով` շարունակել է կռվել, չի համաձայնվել հոսպիտալացվել, քանի որ ընկերները վտանգի մեջ էին, 18 տարեկան զինվորներն իր կարիքն ունեին:

Գարեգինը զոհվել է նոյեմբերի 1-ին թուրքական բայրաքթարի հարվածից մտերիմ ընկերոջը գրկած վիճակում: