«Ինքը զոհվեց հանուն ՀԱՅՐԵՆԻՔԻ, 2 տարի անց էլ հայրը չդիմացավ որդու կորստին». ճանաչե՛ք ՀԵՐՈՍ Գևորգին

Գևորգ Գագիկի Վարդանյանը Ապրիլյան պատերազմի Հերոսներից է, ծնվել է 1996 թվականի օգոստոսի 19-ին Գյումրիում: 6 տարեկան էր, և տեղափոխվեցին Ռուսաստանի դաշնություն: Այնտեղ էլ հաճախեց դպրոց: Շատ լավ էր սովորում, շարադրություն գրելիս էլ, հորը հարցեր տալով, գրել էր Արցախի մասին էր։

Դպրոցն ավարտելուց հետո ընդունվել է քոլեջ՝ գազաֆիկացման բաժինը, բայց դեռ 18-ը չէր լրացել, երբ ծնողներին թողեց Ռուսաստանում ու վերադարձավ Հայաստան՝ Հայոց Բանակում ծառայելու համար։ Գևորգը հայերեն գրել ու կարդալ չէր կարողանում, բայց ցանկանում էր ծառայել Հայաստանում:

Հայոց Բանակ զորակոչվեց 2015 թվականի հունվարի 24-ին: Համոզված էր, որ Արցախում է ծառայելու ու այդպես էլ եղավ: 6 ամիս Մարտակերտում ծառայելուց հետո տեղափոխվեց Թալիշ:

Ծառայակից ընկերները Գևորգին Ռուսկի մականունն էին տվել։ Գևորգը ծառայության ընթացքում ընկերոջ կյանքը փրկելու համար շնորհակալագիր և 7 օրյա արձակուրդ էր ստացել, բայց 5 օր անց վերադարձավ զորամաս՝ ասելով պիտի հերթափոխ լինի տղերքը մեղք են: Գնալիս ծնողներին խոստացել էր հետ գալ ու 20-ամյակը միասին նշել, բայց… ախ էդ ապրլիը…

May be an image of one or more people, people standing, military uniform and outdoors
May be an image of one or more people, people standing, military uniform and outdoors

Պատերազմի ընթացքում Գևորգը ամենավտանգավոր դիրքում է եղել, (Սիս) դիրքում, թեժ մարտերին հետ չի նահանջել, պայքարել է մինչև վերջ: Ապրիլի 3-ին զանգահարել է մայրիկին և ասում էր՝ մամ ջան ես լավ եմ, ես ողջ և առողջ հետ կգամ տուն: Բայց, ցավոք, ապրիլի 3-ի լույս 4-ի գիշերը Գևորգը անմահացավ։ Գևորգի զոհվելու լուրը ստանալուց հետո ծնողները տեղափոխվեցին Հայաստան: Նրանց այցելեց Գևորգի ընկերը, ում կյանքը Գևորգը փրկել էր, շնորհակալություն հայտնեց ծնողներին Հերոս որդի մեծացնելու համար։

Գևորգից հետո 2 տարի անց մահացավ Հայրը, չդիմացավ ցավին…

Գևորգ Գագիկի Վարդանյանը զոհվել է 2016 թվականի ապրիլի 3-ի լույս 4-ի գիշերը։ Գևորգի կյանքը ու երազանքները կիսատ մնացին: Հայրենիքը գերադասեց բոլորից և ամենից շատ:

Փառք ու Պատիվ Մեր Հայ Զինվորներին...
Հավերժ Շնորհակալ և Պարտական ենք...