«Խնդրում եմ՝ Աստծո գործերի մեջ չխառնվես»․ գիտեք, թե ու՞մ և ինչու՞ է Ավետիք Իսահակյանը նման բան ասել

Ավետիք Իսահակյանի կյանքը լի է եղել հետաքրքիր դեպքերով։ Այդ պատմություններից շատերում կարող ենք տեսնել, թե ինչքան սրամիտ ու կատակասեր է եղել մեծ գրողը։ Ահա սա էլ հենց նման պատմություն է․

Մի անգամ ճաշկերույթներից մեկի ժամանակ դպրոցի տնօրենը բարձրացնում է բաժակը և խմում Իսահակյանի կենացը.

-Վարպե´տ ջան, Ձեր թանկագին կենացը, ցանկանում եմ Ձեզ առողջություն և ուզում եմ, որ ապրեք 125 տարի:

Իսահակյանը ձեռքը բարձրացրեց և ազդու ասաց.

-Կա՛ց…
Տնօրենը, խոսքը կուլ տալով, սառած կանգնեց մնաց տեղում’ մտածելով, թե ի՞նչ վատ արտահայտություն է թույլ տվել:

Խնդրում եմ՝ Աստծո գործերի մեջ չխառնվես,- ասաց վարպետը՝ բառերը հատ-հատ արտահայտելով:

-Լավ,- ասաց տնօրենը պարտված ձայնով,- Ցանկանում եմ Ձեզ առողջություն և երկար տարիների կյանք: