Ցածր ձայն, համեստ ժպիտ, իմաստությամբ և ըմբռնումով լի հայացք։ Հավատարմությունն այն որակն է, որը կարևորում էր լեգենդար կոմպոզիտոր Տիգրան Մանսուրյանը։  Նա միշտ պատմում էր, որ Դմիտրի Շոստակովիչը, եթե կոնկրետ ինչ-որ մի երաժշտի համար ստեղծագործություն էր գրում, ուրիշ ոչ ոքի չէր տալիս, նույնիսկ ավելի հայտնի և անվանի մարդկանց։

Սիրված հայ կոմպոզիտորը  ծնվել է Բեյրութում։ Նա 1940-ականներին է ընտանիքի հետ միասին  ներգաղթել  դեպի  Հայաստան։ Եղել է Ղազարոս Սարյանի դասարանից։ 1986 թվականից  վարպետին շնորհվեց երաժշտության պրոֆեսորի կոչում։ 1992-1995-ից վարպետը զբաղեցրեց  կոնսերվատորիայի ռեկտորի պաշտոնը։

Նա երաժշտություն է գրել ավելի քան 100 ֆիլմի համար։ Գրականության ոլորտի Նոբելյան մրցանակակիր Ուիլյամ Ֆոլկները նրան սովորեցրել է պարտվել, հենց դա է Մանսուրյանը կարևոր համարում։ Պետք է կարողանալ պարտվել` հավատը չկորցնելու, կյանքի սարդոստայնում չխճճվելու համար։