«Ճարտարապետությունը քարե սիմֆոնիա է»
Ալեքսանդր Թամանյան

Այսօր Հայ ճարտարապետ, ՀԽՍՀ ժողովրդական ճարտարապետ Ալեքսանդր Հովհաննեսի Թամանյանի ծննդյան օրն է:

Ալեքսանդր Թամանյանը ծնվել է 1878 թվականի մարտի 4-ին (մարտի 16) Եկատերինոդարում (այժմ` Կրասնոդար): Սովորել է ծննդավայրի ռեալական դպրոցում: 1904 թ. ավարտել է Սանկտ Պետերբուրգի Թագավորական գեղարվեստի ակադեմիայի բարձրագույն գեղարվեստական ուսումնարանը:

«Մեծ Երևանի» (500 հզ. բնակչի համար) հատակագծումը ճարտարապետն սկսել է 1934 թվականին, սակայն այն մնացել է անավարտ: 1925-1933թթ. Թամանյանը կազմել է նաև Գյումրիի, Վաղարշապատի, Ստեփանակերտի, Նոր Բայազետի (այժմ՝ Գավառ), Ախտայի (այժմ՝ Հրազդան) և այլ բնակավայրերի հատակագծերը: 

Նրա նախագծով Երևանում կառուցվել են բժշկական ինստիտուտի անատոմիկումի, անասնաբուծական-անասնաբուժական, ֆիզիոթերապևտիկ, աստղադիտարանի, հանրային (այժմ` Ազգային) գրադարանի շենքերը և այլն:  

Կազմելով Երևանի գլխավոր հատակագիծը՝ Թամանյանը նախատեսել է քաղաքի հիմնական անսամբլները, դրանց տարածական լուծումները: Նրա ստեղծագործության ազդեցությամբ ստեղծվել է ճարտարապետության մի դպրոց, որն իրավամբ կոչվում է թամանյանական: Ալեքսանդր Թամանյանը մահացել է 1936 թվականի փետրվարի 20-ին Երևանում: 

2001 թվականին Հայաստանի ճարտարապետների միությունը սահմանել է Թամանյանի անվան ոսկե մեդալ: