Այս մեծանուն ՀԱՅԸ կարողացավ մազապուրծ լինել Հայոց ցեղասպանությունից և տեղափոխվեց Հայաստան. ահա, թե ինչ ծածկանուններով են հրատարակվել ՆՐԱ գործերը

Թատերագետ, լեզվաբան Սմբատ Դավթյանը ծնվել է 1858 թվականին Արևմտյան Հայաստանի Խարբերդի նահանգի Ակն գյուղում:

Դասավանդել է Կոստանդնուպոլսում և Թուրքիայի հայաբնակ այլ վայրերում: Կազմել և հրատարակել է ուսումնական ձեռնարկներ, նախակրթարանի ուսումնական ծրագրեր: Կոստանդնուպոլսում հիմնել է հայ հրատարակչական ընկերություն:

Թղթակցել է 10-ից ավելի պարբերականների: 1898-1900թթ եղել է «Բյուրակն» պարբերականի խմբագիրը: Գրել է հայ թատրոնի պատմությանը նվիրված ուսումնասիրություն (հայերեն և ֆրանսերեն):

Մամուլում հրատարակվել է նաև հետևյալ ծածկանուններով` Արծվիկ, Ծվիկ, Ս.Դ., Սիբարիս, Վաղինակ:

Հրատարակվել են նրա «Վարժութիւն մանկանց» (1890թ.), «Ընտելարան հայ լեզուի» (1893թ.), «Լրացուցիչ դասընթացք տարրական քերականութեան արդի հայերէնի» (1984թ.), «Ճաշակ նոր գրականութեան» (1910թ.), «Մանկական ոտանաւորներ» (1904թ.) աշխատությունները:

Հայոց ցեղասպանության (1915թ.) ժամանակ տեղափոխվել է Հայաստան: Մահացել է Երևանում 1926 թվականին: