Ծանոթ եք ռուսալեզու բաքվեՀԱՅ արձակագիր, թարգմանչուհի ՆՈՐԱ ԱԴԱՄՅԱՆԻՆ. Իմացեք նրա մասին ավելին ՀՈԴՎԱԾՈՒՄ.

Արձակագիր, թարգմանիչ ՆՈՐԱ ԱԴԱՄՅԱՆ կամ Էլեոնորա Ադամովա ծնվել է Բաքվում: 1927-1930թթ սովորել է Բաքվի համալսարանում։ 1930թ-ից ստեղծագործել է։ 1938-45թթ աշխատել է Երևանի «Կոմունիստ» ռուսերեն թերթում։ Այնուհետև բնակություն է հաստատել Մոսկվայում։

Գրել է բազմաթիվ վեպեր, վիպակներ, պատմվածքներ, կինոսցենարներ։ Հրատարակվել են նրա «Դեպի արշավ» (1941թ.), «Կյանքի սկիզբը», «Դժվար հանդիպում» (1955թ.), «Կապույտ լեոների մոտ» (1957թ.), «Աղջիկը մինիստրությունից» (1959թ.), «Նոր հարևանը» (1964թ.), «Երկրորդ կինը» (1967թ.), «Կարմիր լույս» (1975թ.), «Երեքը մեկ տանիքի տակ» (1981թ.) և այլ գրքեր։

Նրա ստեղծագործությունները թարգմանվել են անգլերեն, ֆրանսերեն, իտալերեն, չինարեն, հայերեն և այլ լեզուներով: Կատարել է թարգմանություններ հայ գրականությունից (Վ.Միրաքյանի «Լալվարի որսը», Հ.Շիրազի «Իմ ընկեր Լորիկը» և այլն): 1950թ-ից եղել է ԽՍՀՄ գրողների միության անդամ։ 1984թ. «Կարտոֆիլահավաք» պատմվածքի համար արժանացել է «Օգոնյոկ» հանդեսի մրցանակին։ Մահացել է Մոսկվայում: