ՏԱՂԱՆԴԱՇԱՏ դերասան՝ ում խաղացանկը իր կերտած դերերի պես բազմերանգ էր. ՆՐԱ խաղը տարբերվող էր և յուրահատուկ. ՀՈՎԱԿ ԳԱԼՈՅԱՆԻ ո՞ր դերերն եք հիշում.

Դերասան ՀՈՎԱԿ ԳԱԼՈՅԱՆ ծնվել է Երևանում: 1949թ. ավարտել է Երևանի գեղարվեստաթատերական ինստիտուտը և նույն թվականից աշխատել է Երևանի Գ.Սունդուկյանի անվան ազգային ակադեմիական թատրոնում` որպես դերասան:

Խաղացել է մի շարք ներկայացումներում` Ա.Շիրվանզադեի «Նամուս» (Բարխուդար), Գ.Սունդուկյանի «Քանդած օջախ» (Փարսիղ), «Խաթաբալա» (Զամբախով), Ֆ.Դոստոևսկու «Ապուշը» (Ռագոժին), Մ.Գորկու «Արևի զավակները» (Ռոման), Վ.Շեքսպիրի «Կորիոլան» (Վելուտոս), «Ջոն արք» (Բաստարդ), «Լիր արքա», «Օթելլո», Վ.Փափազյանի «Ժայռ», Դ.Ղազազյանի «Խաչատուր Աբովյան», Գ.Բորյանի «Նույն հարկի տակ», Ե.Չարենցի «Դեպի ապագան», Դ.Դեմիրճյանի «Վարդանանք», Վ.Շկվարկինի «Ուրիշի երեխան», Ն.Զարյանի «Արտավազդ և Կլեոպատրա», Գ.Հաուպտմանի «Մայրամուտից առաջ», Շիլլերի «Ավազակներ», Պ.Զեյթունցյանի «Ավերված քաղաքի առասպելը» և այլն:

Նկաահանվել է ֆիլմերում` «Սայաթ-Նովա» (1960թ.), «Հուսո աստղ» (1978թ.), «Լեգենդ ծաղրածուի մասին» (1979թ.), «Ձորի Միրոն» (1980թ.): 1978թ. արժանացել է Հայաստանի ժողովրդական արտիստի կոչման: Մահացել է Երևանում: