Հիշո՞ւմ եք ՍԵԴՐԱԿ ՇԱՀԵՆԻՆ․ ՆԱ կարողացել է գրի առնել «Սասնա ծռերի» «Քար Թորոսը», «Սասունին» պատումները․ Գիտե՞ք, թե ինչպիսի կյանք է ունեցել․

Արձակագիր, դրամատուրգ ՍԵԴՐԱԿ ՇԱՀԵՆ կամ Սեդրակ Շահինյան ծնվել է Արևմտյան Հայաստանի Կարինի (Էրզրում) նահանգի Քղիի գավառի Օրոր գյուղում: 1903թ. անդամագրվել է ՍԴՀԿ-ին: Մինչև 1913թ. ուսուցչություն է արել Տիգրանակերտի, Տարոնի, Սասունի և Քղիի շրջաններում: 1915թ. այցելել է Կովկաս:

1919թ. անցել է Փարիզ, հաջորդ տարի վերադարձել ԱՄՆ: Երկրորդ համաշխարհային պատերազմի (1939-45թթ) տարիներին խմբագրել է Նյու Յորքի «Երիտասարդ Հայաստան» թերթը: Գրողի «Կարկառուն կամարներ» (1917թ.), «Քսան կախաղաններ» (1918թ.), «Զէյթուն» (1920թ.), «Թալաաթի անկումը» (1928թ.) դրամաներում արտացոլված է հայ ժողովրդի պայքարն ընդդեմ թուրքական բռնակալության: Տեղագրական, ազգագրական, պատմագիտական արժեք են ներկայացնում նրա «Սասունք» (մաս 1, 1919թ.), «Կիլիկիոյ ձախողանքը, պատասխանատու դերակատարները և մեղսակիցները» (1921թ.) և այլ երկեր:

Գրի է առել «Սասնա ծռերի» «Քար Թորոսը» (1967թ.), «Սասունին» (1968թ.) պատումները: 1963թ. այցելել է Հայաստան, տպավորությունները լույս է ընծայել 1965թ.` «Հայաստանի հոյակապ նվաճումները» գրքում: Մահացել է Լոս Անջելեսում: